3 mag-uutol huli sa buy-bust sa Taguig

MANILA, Philippines — Tatlong magkakapatid, kasama ang tatlong iba pa ang natimbog sa isang buy-bust operation kung saan nakuhaan ng nagkakahalagang P20,000 na droga ito sa sarili nilang tahanan sa Taguig City. 

Sa naantalang ulat, nakilala ang mga nadakip na mag-uutol na  sina Jerwin Mendiola, 39; Jorge Mendiola, 41; at Epitacio Mendiola Jr., 48; na mga pawang residente ng Gen. Natividad St., Palingon-Tipas, Taguig City, ay nahuli ng mga kapulisan at ng Philippine Drug Enforcement Unit sa isinagawang buy-bust operation noong Lunes. 

Kasama rin sa dinakip sina Arjuna Cruz, 39; Andrew Victor Arcega. 37; at Mark Lester Magbalana.

Ayon sa pulisya, ang mga suspek ay nakuhaan ng labing-isang sachet ng shabu, na nagkakahalaga ng P20,400.

Sinampahan na sila ng kaso bilang paglabag sa Comprehensive Dangerous Drugs Act.

Sinasabing kaanak umano ang mga nadakip ng mga kumakandidato sa lokal na posisyon sa lungsod.

Ang ilan pang personalidad na naaresto dahil sa ilegal na droga sa Taguig noong mga nakaraang taon ay napabalitang miyembro rin ng political family sa lungsod.