MANILA, Philippines - Pumanaw na si Herminio ‘‘Butch’’ Bautista, ama ni Quezon City Mayor Herbert Bautista dakong alas-7:55 kamakalawa ng gabi sa Philippine Hearth Center sa edad na 82.
Ang matandang Bautista, isang dating konsehal sa lungsod, actor, director at writer, ay naging barangay chairman din ng Brgy. Immaculate Conception bago maihalal sa Quezon City Council noong 1988.
Ang kanyang labi ay ilalagak sa Loyola Memorial Cha-pels, Commonwealth Avenue.
Inilagay naman sa half mast ang watawat ng Pilipinas sa QC hall bilang pakikiramay sa pamilya Bautista.