Driver todas sa tandem
MANILA, Philippines - Tila hindi masawata ng Caloocan City Police ang “riding-in-tandem†makaraang muling sumalakay at pagbabarilin hanggang mapatay ang isang tsuper, kamakaÂlawa ng madaling-araw.
Bagama’t naisugod pa sa Tondo General Hospital, nalagutan din ng hininga si Romel Leonud, 39, tricycle driver, ng Dagat-Dagatan Ave., ng naturang lungsod.
Nadakip naman si Jeffrey Monreal, 39 ng Phase 2, Longos, Malabon City habang nakatakas ang hindi pa kilalang kasama.
Sa ulat, alas-5:40 ng madaling-araw habang nag-aabang ng pasahero ang biktima malapit sa kanilang bahay nang sumulpot ang mga suspek at paulanan ng bala ang una. Mabilis na tumakas ang mga salarin lulan ng isang motorsiklo.
Masuwerte namang isa sa mga nakasaksi ang nakakilala sa suspek na si Monreal sanhi upang maaresto ito sa ikinasang follow-up operation ng pulisya. Patuloy namang inaalam ng mga imbestigador ang motibo ng naturang pamamaslang.
- Latest
