MANILA, Philippines - Tiniyak ni Custom Commissioner Ruffy Biazon na hindi maaapektuhan ng inilabas na 72-hour Temporary Restraining Order ng Manila Regional Trial Court Judge Marino de La Cruz Jr. ang repormang isinasagawa ngayon ng kawanihan.
Ayon kay Biazon, ipinaÂtupad lamang niya ang alam niyang tama at mas makabuÂbuti sa nakararaming empleÂyado ng BOC.
Aniya, nirerespeto niya ang desisyon ng korte kung kaya’t kailangan din nilang sagutin ito. Inilabas ng korte ang TRO kaugnay sa pagliÂlipat at balasahan ng mga custom personnel.
Inihahanda na rin ng Department of Finance (DoF) at ng BoC ang kanilang magiÂging reply sa korte kasunod ng naging petisyon ng nasa 15 mga dating Customs collector na nagpasaklolo sa korte.
Kabilang sa 15 petiÂtioners na nagpasaklolo sa korte ay sina Ronnie Silvestre, Edward dela Cuesta, Rogel Gatchalian, Imelda Cruz, Lilibeth Sandag, Raymond Ventura, Ma. Liza Torres, Arnel Alcarez, Ma. Lourdes Mangaoang, Francis Agustin Erpe, Carlos So, Marietta ZaÂmoranos, Carmelita Talusan, Arifeles Carreon at Romalino Valdez.
Iginiit ni Biazon, na ang naÂsabing kautusan na ipinaÂpatupad sa ahensiya ay bahagi lamang ng reporma sa kagawaran na nais nitong isulong na naging kontrobersiyal noon sa naging state of the nation address ni Pangulong Benigno ‘Noynoy†Aquino III.
“Ito’y bilang isang legal na kautusan mula sa hukuman, tayo naman ay obligadong mag-comply,†ani Biazon.
Sa ngayon, balik muna sa kanilang pwesto ang mga mga kolektor dahil sa TRO.