Patatawarin ba si Marie?
Dear Dr. Love,
May sampung taon na kaming mag-jowa ni Marie. Halos mag-asawa na kami at ang kulang na lang ay kasal. Dati akong palikero pero nagbago nang maging kami ni Marie, natagpuan ko sa kanya ang mga katangiang hanap ko.
Nagtatrabaho siya sa isang financial institution at mataas na rin ang posisyon.
Minsan, nag-alok siya ng investment plan na napaka-attractive. Dodoble ang investment na Php 100 k sa loob lang ng tatlong buwan. Pati mga malapit kong relatives ay buong tiwalang nag-invest sa kanya dahil sa relasyon namin. Pero sacma pala ‘yun.
Kaya galit na galit sa kanya ang mga kaanak ko. Pero hindi siya idinemanda nang mangakong isasauli niya ang pera.
Aniya, matindi lang ang pangangailangan ng kanyang pamilya kaya niya ginawa ito. Dapat ko ba siyang patawarin?
Kelvin
Dear Kelvin,
Nasa sarili mong evaluation iyan kung siya ay dapat patawarin o hindi. Pero bago mo gawin ‘yan, tiyakin mong natupad niya ang pangakong isasauli ang pera ng mga taong na-budol niya.
Mabuti at hindi pa kayo mag-asawa. Masusing pag-iisip sa situwasyon ang gawin mo bago ka magpasyang patawarin siya.
Dr. Love
- Latest