Pangulong Marcos suportado liderato ni Escudero
MANILA, Philippines — Tiwala si Pangulong Ferdinand “Bongbong” Marcos Jr. na bibigyang prayoridad ni bagong Senate President Francis “Chiz” Escudero ang mga panukalang batas na magsusulong ng Bagong Pilipinas.
Suportado rin ng Pangulo ang liderato ni Escudero, dahil hindi maikakaila na kahanga-hanga ang legislative record ng senador.
“I extend my support to the new Senate President, Chiz Escudero. His legislative record and commitment to public service have distinguished him as a dedicated leader,” pahayag ng Pangulo.
Si Escudero ay isang batikang abogado at nagsilbing kongresista ng Sorsogon bago nahalal na senador.
Nagbitiw nitong Lunes si Sen. Juan Miguel Zubiri bilang Senate president at nahalal si Escudero kapalit niya.
Dahil naman sa pagbabago ng liderato kaya nagkaroon din ng rigodon sa Senado kung saan nahalal sina Sen. Jinggoy Estrada bilang Senate Pro Tempore habang si Sen. Francis Tolentino ang bagong Senate Majority Leader at si Sen. Alan Peter Cayetano, ang bagong chairman ng Committee on Accounts.
- Latest
