‘Dangerous heat indices’ naitala sa 9 lugar – PAGASA

MANILA, Philippines — Naitala ng Philippine Atmospheric, Geophysical and Astronomical Services Administration (PAGASA) ang siyam na lugar bilang “dangerous heat indices” sa bansa kahapon.

Ayon sa PAGASA, ang Roxas City Capiz ang nagtala ng pinakamataas na temperatura na 44 degrees celcius.

Naitala naman ang heat index na 43 degrees celcius sa San Jose, Occidental Mindoro; Masbate City, Masbate; Iloilo City, Iloilo; at sa Butuan City, Agusan del Norte.

Nagtala naman ng 42 degrees celcius heat index ang Ninoy Aquino International Airport (NAIA) Pasay City; Puerto Princesa, Palawan; CBSUA-Pili Camarines Sur; at Cotabato City, Maguindanao.

Ayon sa PAGASA, ang heat indices mula 42 hanggang 51 degrees celcius ay maaring magdulot ng heat cramps at heat exhaustion, bukod sa maaring humantong sa heat stroke kapag nagtagal ang aktibidad sa ilalim ng matinding sikat ng araw.