Surot, daga, ipis sa NAIA sisiyasatin ng Kamara
MANILA, Philippines — Sisilipin ng Kamara ang nag-viral sa social media na mga surot, daga, ipis at iba pang mga isyu na nakakaapekto sa imahe ng Ninoy Aquino International Airport (NAIA) terminals.
Sinabi ni OFW Partylist Rep. Marissa Magsino na naghain siya ng House Resolution (HR) 1615 matapos na maalarma sa viral videos at mga reklamo sa mga insidente ng surot, ipis at mga daga sa NAIA terminals na aniya’y bukod sa nakakatakot ay delikado pa sa kalusugan.
Inihayag ni Magsino na nakadagdag pa sa problema sa NAIA ang negatibong reputasyon nito sa buong mundo dahilan sa mga insidente ng nakawan sa mga bagahe na dumaraan sa Xray machine na kinasangkutan ng mismong mga empleyado dito.
Binigyang diin ni Magsino na bugbog na ang imahe ng bansa dahil sa paulit-ulit na isyu sa NAIA na nakakaapekto sa dignidad ng Pilipinas at maging sa industriya ng turismo sa bansa.
- Latest
