^

Bansa

Facebook page ng Philippine Coast Guard, napasok ng hacker

Mer Layson - Pilipino Star Ngayon
Facebook page ng Philippine Coast Guard, napasok ng hacker
Kinumpirma ng PCG na dakong alas-6 ng gabi ng Lunes, Pebrero 26, nang maganap ang insidente.
Philippine Coast Guard / Facebook page

MANILA, Philippines — Nakompromiso ang Facebook page ng Philippine Coast Guard (PCG) matapos na isang ‘unknown entity’ ang makakuha ng access nito.

Kinumpirma ng PCG na dakong alas-6 ng gabi ng Lunes, Pebrero 26, nang maganap ang insidente.

Base sa isinagawang initial diagnostic ng Coast Guard Public Affairs (CGPAS), ang naturang unknown entity ay walang iniwang anumang digital traces ng official email address at ng mobile phone na ginamit ng CGPAS upang i-establisa ang security key bilang karagdagang layer ng online security protection.

Huli silang naka-access at nakapag-post sa naturang FB page dakong alas-10 ng umaga.

Ayon kay PCG Spokesperson, CG Rear Admiral Armand Balilo, may namonitor ang CGPAS na dalawang malisyosong short videos sa kanilang official FB page.

Gayunman, nang tangkain nilang burahin ang mga naturang videos, ang service ay inalerto ng isang forced switch account notification.

Habang isinusulat ang balitang ito ay hindi pa rin nababawi ng PCG ang access sa kanilang FB page.

Pansamantala rin muna nilang ginagamit ang FB account na Tanod Baybayin.

Noong Pebrero 15, 2024, isang security breach na rin ang na-monitor ng CGPAS sa kanilang official X account (dating Twitter) ngunit kaagad itong naresolba.

Noong Enero 2024 naman, nakatanggap din ng alerto ang PCG mula sa Department of Information and Communication Technology (DICT) hinggil sa na-monitor na hacking sa PCG website.

Gayunman, nang rebyuhin ang website, nakumpirma ng CGPAS na walang hacking activity na ini-report sa PCG website.

vuukle comment

FACEBOOK

PHILIPPINE COAST GUARD

Philstar
x
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with