Bilang ng mga Pinoy na positibo na bubuti ang buhay nabawasan

MANILA, Philippines — Bumaba sa 44% ang bilang ng mga Pinoy na umaasang gaganda ang kalidad ng buhay ngayong taon, ayon sa latest Social Weather Stations (SWS) survey.

Ang naturang percentage ay mas mababa sa 48% Pinoy na umasa na gaganda ang buhay sa survey noong September 2023.

Sa survey na isinagawa noong December 8-11, 2023, lumabas din na may 44% Pinoy ay nagsabing ang klase ng kanilang buhay ay pareho rin o walang ipinagbago at 5% ang nagsabing lumubha ang buhay at 7% ang hindi nagbigay ng kanilang sagot.

Nagresulta ito ng net personal optimism score na +39 o “excellent.”

Nabawasan ang mga optimistiko sa Balanced Luzon at Visayas, samantalang tumaas sa Metro Manila at walang pagbabago sa Mindanao.