Grupo suportado isabatas 'National Memorial Day for Comfort Women'
MANILA, Philippines — Nagpahayag ang isang grupong pangkababaihan ng kanilang suporta sa isang panukalang batas na ipinapahayag ang pagdiriwang ng “National Memorial Day for Comfort Women” tuwing ika-14 ng Agosto bawat taon.
Para sa Amihan National Federation of Peasant Women, ang House Bill No. 8859 na nagdedeklara ng espesyal na araw para sa Filipina "comfort women" noong World War II ay makakatulong upang maalala ng susunod na henerasyon ang madilim na bahaging ito ng kasaysayan.
“As shown by what our grandparents experienced during World War II, women and children are more vulnerable to sexual and gender violence on top of the economic violence carried out in imperialist wars,” sabi ni Zenaida Soriano, chairperson ng Amihan, sa isang pahayag.
Bahagi ng panukala, na iminungkahi ng Makabayan Bloc, na itaas ang kaalaman ng mga mamamayan tungkol sa comfort women sa iba’t ibang paraan. Ilan na nga rito ang pagmamandato sa Department of Education at Commission on Higher Education na maglunsad ng mga aktibidad ukol kaugnay ng pagkilala sa mga nabanggit.
Maaalalang ilang beses nang itinanggi ng mga nagdaang Japanese prime ministers na sapilitang pinahirapan ng kanilang mga sundalo bilang "sex slaves" ang mga Pilipina noong World War II. Ginawa rin ito ng Japan sa Korea, China, atbp. noong digmaan.
Para sa Amihan, kinikilala ng batas na ito ang pagkamatatag ng kababaihang Pilipino na nabuhay sa panahon na ito at patuloy na nabuhay sa kabila ng kanilang dinanas.
“More importantly, it emphasizes the importance of upholding human rights, opposing all forms of violence and exploitation, and protecting our country’s independence,” dagdag pa ni Soriano.
“Peasant women fully support, and enjoin all Filipino women and men to help strengthen and sustain, the comfort women’s pursuit of recognition, justice, and redress until these are attained.”
Patuloy pa rin ang laban ng mga Pilipino na kilalanin ng Japan ang mga krimen na nagawa sa mga comfort women ng bansa, katulad na lamang ng ginawang panawagan sa Tokyo, Japan ng mga Pilipino doon noong ipinagdiwang ang Araw ng Kalayaan nitong taon. — intern Matthew Gabriel
- Latest
