MANILA, Philippines — Magsisilbing miyembro ng Cabinet Officers for Regional Development and Security (CORDS) ang mga gabinete ni Pangulong Ferdinand ‘Bongbong’ Marcos, Jr., para sa Joint Regional Task Forces (JRTF-ELCAC) upang pangasiwaan ang pagkakaroon ng kapayapaan at kaunlaran sa mga rehiyon na nakatalaga sa kanila.
Ang CORDS sa mga rehiyon ay sina DMW Sec. Maria Susana Ople para sa NCR; DOTr Sec. Jaime Bautista, CAR; DAR Sec. Conrado Estrella III, Region I; DTI Sec. Alfredo Pascual, Region II; DSWD Sec. Rexlon Gatchalian, Region III; DOJ Sec. Jesus Crispin Remulla, Region IV-A; DICT Sec.Ivan John Uy, Region IV-B; DOLE Sec. Bienvenido Laguesma, Region V; DOE Sec. Raphael Perpetuo Lotilla, Region VI; DOT Sec. Maria Esperanza Cristina Frasco, Region VII; DILG Sec. Benhur DC Abalos Jr, Region VIII; DPWH Sec. Manuel Bonoan, Region IX; DHSUD Sec. Jose Rizalino Acuzar, Region X; Presidential Assistant for Eastern Mindanao Sec. Leo Tereso Magno, Region XI; DENR Sec. Ma. Antonia Yulo-Loyzaga, Region XII; NCIP Sec. Allen Capuyan, CARAGA; at OPAPRU Sec Carlito Galvez, sa BARMM.
Inirekomenda ang CORDS kay Executive Secretary Lucas Bersamin sa pagpupulong ng Executive Committee na sinang-ayunan naman ni PBBM.
Ang naturang Cabinet members ang mangangasiwa ng CORDS sa kani-kanilang rehiyon upang ilatag ang “Whole-of-Nation at Whole-of-Government Approach” upang manatili at magiging kinatawan ng Office of the President.