7.3 magnitude lindol tumama malapit Indonesia; pinsala, aftershocks posible sa Pilipinas
MANILA, Philippines — Isang malakas-lakas na 7.3 magnitude na lindol ang yumanig malapit sa Indonesia at bandang Mindanao, bagay na maaaring magdulot ng "parehong pinsala at aftershocks" kahit sa Pilipinas sabi ng state seismologists.
Ayon sa Phivolcs, naitala ang naturang lindol bandang 2:06 p.m. Naobserbahan naman ang epicenter nito 352 kilometro timogsilangan ng Sarangani, Davao Occidental.
Sa kabila nito, mas malapit ang pinangyarihan nito sa bansang Indonesia kaysa sa Pilipinas.
#EarthquakePH #EarthquakeDavaoOccidental#iFelt_DavaoOccidentalEarthquake
— PHIVOLCS-DOST (@phivolcs_dost) January 18, 2023
Earthquake Information No.1
Date and Time: 18 January 2023 - 02:06 PM
Magnitude = 7.3
Depth = 064 km
Location = 02.69°N, 127.05°E - 352 km S 30° E of Sarangani (Davao Occidental)https://t.co/PkCGJxyFoB pic.twitter.com/MvAuIP5pKC
Narito ang mga naiulat na "instrumental intensities" sa ngayon:
Intensity II (slightly felt)
- Don Marcelino, Davao Occidental
- Nabunturan, Davao de Oro
- Glan at Kiamba, Sarangani
- General Santos City, Tupi, Santo Niño, Koronadal City at T'Boli, South Cotabato
Intensity I (scarecely perceptible)
- Kidapawan City, Cotabato
- Maitum at Maasim, Sarangani
- Tantangan, Lake Sebu, Tampakan, Suralla at Norala, South Cotabato
- Zamboanga City, Zamboanga del Sur
Bagama't mahina-hina pa lang ang mga instrumental intensities na naitatala ng gobyerno, "expecting damage" at "expecting aftershocks" ang ibinabalita sa ngayon ng Phivolcs.
Wala pa namang banta ng tsunami sa ngayon sa Pilipinas. — may mga ulat mula sa Agence France-Presse
Antabayanan ang mga karagdagang detalye sa balitang ito
- Latest
