MANILA, Philippines — Sampung kandidato sa pagkapangulo ang isinama na ng Commission on Elections (Comelec) sa national ballot para sa darating na halalan sa Mayo 2022.
Kabilang dito sina Vice President Leni Robredo, dating Sen. Ferdinand Marcos Jr., Senators Manny Pacquiao at Panfilo Lacson, Manila Mayor Isko Moreno, labor leader Leody de Guzman, dating presidential spokesperson Ernesto Abella, at dating Security Adviser Norberto Gonzalez.
Kasama rin dito ang mga mas hindi kilala na sina Faisal Mangondato at Jose Montemayor Jr.
Sinabi ni Comelec spokesperson James Jimenez na ang mga kandidatong natira sa balota ay hindi maikukunsidera na mga ‘nuisance candidates’ dahil nagpakita umano sila ng lehitimong intensyon para tumakbo sa posisyon sa pamahalaan.
Siyam na kandidato naman sa pagka-bise presidente ang inilahok sa balota. Ito ay sina Senate President Vicente “Tito” Sotto III, Sen. Francis Pangilinan, Davao City Mayor Sara Duterte, Buhay party list Rep. Lito Atienza at Dr. Willie Ong.
Isinama rin dito sina Walden Bello, Rizalito David, Manny Lopez at Carlos Serapio.