DILG post tinanggihan ni Evasco
MANILA, Philippines - Tinanggihan ng naging campaign manager ni incoming President Rodrigo Duterte ang posisyon ng Department of Interior and Local Government (DILG).
Sinabi ni Maribojoc, Bohol Mayor Leoncio Evasco Jr., na hindi siya interesado na tumanggap ng anumang cabinet position sa ilalim ng Duterte administration.
Nagpasalamat naman si Evasco dahil napabilang siya sa listahan ng pagpipilian upang maging kalihim ng DILG.
“I will always serve our newly-elected president and the Filipino people in some other ways, based on my capacity and skills,” pahayag pa ni Evasco.
Dating Catholic priest si Evasco at naging communist rebel hanggang sa kunin ito ni Duterte na maging chief of staff saka tumakbong alkalde ng Maribojoc, Bohol. Nagsilbing campaign manager ni Duterte si Mayor Evasco nitong May 9 elections.
Tinanggap naman ni businessman Carlos Dominguez ang pamumuno sa Department of Finance gayundin si Atty. Vitalliano Aguirre bilang kalihim ng Department of Justice.
- Latest



















