Pagtatanim ng soybean giit sa mga magsasaka
MANILA, Philippines – Iginiit ng Department of Agriculture (DA) ang mga magsasaka sa Central Luzon na magtanim ng soybean bilang dagdag kita at makatutulong pa sa kalusugan ng tao.
Ayon kay DA National Soybean program coordinator Rosemarie Aquino, ang soya ay nakapagbibigay resistensiya sa katawan ng tao upang labanan ang sakit sa puso, cholesterol at kanser.
Bukod dito, malaki rin anya ang maitutulong ng soya sa pagpapayabong ng lupang sakahan at pagpapalaki ng mga alagaing baboy, manok at isda.
Idinagdag pa ni Aquino na tutulungan ng pamahalaan ang mga magsasaka sa pagtatanim, pagsasanay, pagpapalago at sa paraan ng pagkain ng soybean.
Umapela rin ang DA sa publiko na tumulong sa pagpapalago at tangkilikin ang mga produktong nagmula sa soybean na maaari ding pagkakitaan bilang dagdag pangkabuhayan ng bawat pamilyang Pilipino.
- Latest
