Nobyo na nagpakasal sa iba

Dear Vanezza,

Tawagin mo na lang akong Joyce, 19 years old. Lagi po akong top sa klase namin. Kasama ako sa dean lister, pero nagsimulang bumaba ang mga grades ko nang iwanan ako ng bf ko at nagpakasal sa iba. Hindi ako maka-concentrate. Ano po ang gagawin ko?

Dear Joyce,

Ang pagkakataon mo ay huwag mong sayangin. Mas importante ang pag-aaral kaysa pag-ibig. Darating ang panahong mag-aasawa at magpa-pamilya ka. Ang priority mo dapat ay pag-aaral. Kaya wala kang choice kundi piliting alisin sa isip mo ang taksil mong bf. Bata ka pa at marami ka pang makikilalang higit sa kanya. Kapalit ng pagkawala niya ang magandang future na naghihintay sa’yo.

Sumasaiyo,

Vanezza