Atake ng mild stroke
Ang stroke ay isang medical emergency na nangangailangan ng agarang treatment. May iba’t ibang klase ng sintomas ng stroke na madaling malaman, pero depende sa kung anong part ng brain ang napuruhan.
Minsan ang ibang sintomas na walang manifestation kaya nag-iisip kung dadalhin pa ang pasyente o hindi sa ER. Pero mahalagang malaman at maunawaan ang pagbabago sa katawan ng taong inaatake ng stroke.
1. Kung sa sobrang pagod ay umidlip at pagkagising ay namamandhid ang isang parte ng mukha.
2. Maaaring mapansin sa asawa o kay lolo na isang bahagi ng mukha nito ay lumaylay. Puwedeng kaliwa o kanan.
3. Panghihina ng kamay o braso.
4. Nahihirapan o hindi maigalaw ang kalahating katawan.
5. Namamanhid ang legs na maaaring kaliwa o kanan.
6. Nabubulol o nahihirapang magsalita.
7. Nagkakaroon ng pagkalito o ‘di pagkaintindi sa isang sitwasyon.
Ang mga sintomas ay maaaring nauugnay sa Transient Ischemic Attack (TIA) o mini stroke, pero gaya ng major stroke na kapag hindi agad nadala sa ER o doktor ng ilang minutong pagkaantala ay maaaring magkaroon ng malaking epekto sa isang pasyente ng permanenteng disabilities.
- Latest