Mark, marunong magpasalamat

Isang bagay talaga na naa-appreciate ko ‘yung mga tao na ‘pag sinulat mo o napansin mo sa magandang ginawa marunong magpasalamat.

Mukhang namana ni Mark Leviste ang pagiging thoughtful ni Kris Aquino at pagiging grateful nito ‘pag napapansin mo ang maganda niyang ginagawa. Shocked ako na nagpadala ng flowers at ensaymada si Mark dahil lang sa pagbanggit ko na tiyak na magkakatulong sana sila ni Kris sa mga binaha dahil pareho silang compassionate at matulungin kung healthy si Kris at hindi nagpapagamot sa Amerika.

I really appreciate ‘yung pagiging thoughtful ni Mark.

Mga nagpapa-dialysis, bawal mag-absent

Naku ha, ang pangit ng panahon dahil sa ulan, tapos pupunta ka ng hospital para sa dialysis, parang nakakairita di bah! Pero wala kang magawa dahil kailangan, kaya nga shocked pa ako na talagang kumpleto ang mga pasyente na dumating. Talagang rain or shine kailangan ang dialysis, no absent.

Ewan ko ba kung bakit pangit na nga ang panahon, pangit pa ang pakiramdam ko.

Naku nasa denial stage pa rin yata ako kaya ganito ako ‘pag nasa hospital. Parang ang lungkot-lungkot ko na makita na kumpleto ang lahat kahit pa nga ang lakas ng ulan.

‘Kaloka talaga, buti na lang merong IG at nada-divert ang attention ko.