Miles, alaskado sa paglobo ng katawan

Lumabas na sa Eat Bulaga si Miles Ocampo nitong after Holy Week.

Alaskado si Miles ng Dabarkads dahil medyo lumobo nang konti ang katawan at pisngi na aminado naman siya.

Ang hindi naman masyadong nakikita sa Bulaga ay si Maine Mendoza dahil last week ay may live episodes na ang Bulaga.

Totoo kaya ang tsismis na pahinga muna si Meng sa daily shows lalo na’t nalalapit na ang kasal nila ni Congressman Arjo Atayde?

Teka, ano na ba ang resolusyon sa issue ng Eat Bulaga? Magtatanggalan pa ba?

Marian, may pinasilip kay Dingdong

Pinasilip na ng GMA at ni Marian Rivera ang look ni Dingdong Dantes sa ginagawang series na Royal Blood.

Nasa likod si Dong ng isang jeep at kaswal lang ang suot na damit.

Inihayag na isang murder mystery drama ang Royal Blood. Isa siyang single father na motorcycle rider pero bastardong anak ng mayamang negosyante na si Tirso Cruz III ang gaganap.

Ang mga babae ni Dong sa series ay sina Megan Young, Lianne Valentin at Rhian Ramos.