Pia at Ryan bumalik na sa studio

Sumalang nang live sina Pia Guanio at Ryan Agoncillo kahapon sa Eat… Bulaga. Isinalang agad siya sa Bawal Judgmental segment at pinagsayaw, huh!

Eh nu’ng bumalik sa ere ang Eat Bulaga, tanging sina Jose Manalo, Wally Bayola, Paolo Ballesteros, Maine Mendoza at Alden Richards ang napanood ng live sa APT Studios sa Cainta.

Team Bahay naman sina Vic Sotto at Joey de Leon dahil senior citizens na sila. Pumapel namang writer-production assistant si Pauleen Luna sa bahay nila ni Bossing.

Bawal ding lumabas sina Ryzza Mae Dizon at Baby Baste dahil below 21 years old sila. Eh senior na rin si Allan K kaya bawal din siyang lumabas!

Sa totoo lang, nang bumalik sa telebisyon, tambak pa rin ang TV commercials ng programa, huh! Parang na-miss din ang programa ng mga advertiser!

Alden special request ni Ai Ai

Wanted ni Ai Ai de las Alas si Alden Richards. Gusto niyang makasama sa isang series ang Asia’s Multimedia Star.

Inihayag ni Ai ang kagustuhang makatrabaho si Alden nang pumirma siya ng management contract sa GMA Artist Center.

Bukod kay Alden, gusto ring makatrabaho ng Comedy Queen si Miguel Tanfelix at fellow comedians.