Eula mas hirap sa pagpapatawa kaysa sa drama
Excited na si Eula Caballero dahil sasabak siya sa fourth kilig offering of the week na WattPad Presents Almost A Cinderella Story na tatampukan nina Eula at Carl Guevarra.
Nag-e-enjoy ang aktres dahil isa itong comedy bagama’t nahihirapan siya rito kaysa sa drama. Kailangan daw kasi ang timing sa pagpapatawa. Pero ngayon, gamay na niya ang pagpapatawa at isa itong fulfillment para sa kanya.
Tatlong taon na sa showbiz si Eula at natutunan na ang pagiging humble.
“Sa showbiz, hindi mo kasi alam kung sino ang tapat mong kaibigan. Ang mahalaga, kailangang maging humble ka kahit makamit mo pa ang tagumpay,” aniya.
Sa kabilang banda, inamin ng kaparehang si Carl Guevarra na noong una ay kabado siya kay Eula dahil first time silang magkakatrabaho. Pero habang tumatagal ay nagiging komportable sila sa isa’t isa.
Makakasama rin sa romantic comedy na ito sina Carmi Martin, Marvelous Alejo, Chris Leonardo, Christine Serrano, Danes Lee, at Jhayvot Galang.
Mapapanood ang Almost A Cinderella Story mula Lunes hanggang Biyernes at 7:30 p.m. simula October 13 sa TV5.
Top 5 couples sa I Do maraming natutunan
Limang couple na lang ang natitirang matibay sa Kapamilya realiseryeng I Do matapos ang lahat ng napagdanan nilang challenges na sumubok sa kanilang kahandaan para magpakasal kabilang na ang mga usaping pinansiyal, emosyonal, pamilya, at tiwala.
Maraming natutunan ang lahat laluna sa mga psychologist at life coach gaya ng pagiging handa bago magpakasal. Higit sa lahat, na-realize na ang Panginoon ang dapat nasa gitna para maging matibay ang isang relasyon.
Aling couple kaya ang tatanghaling ehemplo ng isang matibay na relasyon na pipiliin ng taumbayan at magwawagi sa grand wedding at premyong P1 milyon, house and lot at isang negosyo package?
- Latest
