The Amazing Race Philippines magpapakitang-gilas na sa Lunes

MANILA, Philippines - Magpapakitang-gilas na naman ang TV5 at patutunayan muli na sila ang Happy Network na naghahatid ng mga pinaka-kakaiba at ka-abang-abang na mga programa sa telebisyon sa pagbabalik ng pinaka-successful at most-awarded reality show sa buong mundo na The Amazing Race (TAR) sa Philippine TV.

Tampok pa rin ang Kapatid prime hunk at sportsman na si Derek Ramsay bilang host at race master, inaasahang mas malaki, mas exciting, at mas kapana-panabik ang ikalawang season ng The Amazing Race Philippines (TARP) na magsisimulang mapanood sa Kapatid network simula ika-6 ng Oktubre, Lunes hanggang Biyernes, alas-7:00 ng gabi bago ang Wattpad Presents; tuwing Sabado, alas-9:00 ng gabi bago mag-Trenderas; at tuwing Linggo, alas-9:00 ng gabi pagkatapos ng Quiet Please.

Mag-uunahan para sa tagumpay, 2 house and lots mula sa RCD Royal Homes, 2 Kia Sportage SUVs at tumataginting na 2 million pesos hatid ng PLDT Home Telpad ang 11 teams na sina: sexy besties na sina RR Enriquez at Jeck Maierhofer, blonde sisters Tina at Avy Wells, chefs Eji Estillore at Roch Hernandez, dating couple Matt Edwards at Phoebe Walker, Juan D hunks Charlie Sutcliffe at Daniel Marsh, mag-amang AJ at Jody Saliba, nerds Vincent Yu at Ed Manguan, travel buddies Zarah Evangelista at Osang Dela Rosa, Mr. Pogi bros JP Duray at Kelvin Engles, magkapatid Jet at Yna Cruz, and Pinay world champs Gretchen Alba­niel at Luz McClitton.

Upang ihatid ang world-class na programa para sa lahat ng mga Kapatid viewers, kasama ng TV5 ang Emmy-nominated at two-time Asian TV Awards winner na producer ng TAR Asia, ang activeTV, sa pamosong produksyon ng pinakahihintay ng ikalawang season ng The Amazing Race Philippines. Mapapanood sa TARP ang tamang timpla ng dedikasyon ng TV5 para sa magaling at katangi-tanging produksyong pang-telebisyon, kasama ang husay ng TARP executive producer and director, Michael McKay. 

Huwag palampasin ang pinakamalaking reality show sa bansa. Mapapanood ang amazing premiere ng TARP sa darating na Oktubre 6, alas-7:00 ng gabi sa TV5. Ang TARP ay co-presented ng Rexona at sinusuportahan ng PLDT Home Telpad, Summit Natural Drinking Water, Kia, RCD Royal Homes at ng Resorts World Manila.

Para makatanggap ng updates, sundan ang TARP official social media accounts: @Amazing_RacePH at hashtag #AmazingRacePH2 sa Twitter at Instagram at i-like ang The Amazing Race Philippines fan page sa Facebook. Maaari rin bisitahin ang www.theamazingrace.ph para sa exclusive online contents tungkol sa programa.