Lolong truck driver, nakatanggap ng Guinness World Record!

ISANG 90-anyos na lolo sa U.S. ang nakapagtala ng world record dahil nakakapagtrabaho pa ito bilang truck driver sa kabila ng kanyang edad!

Kinumpirma ng records keeping organization na Guinness World Record na si Doyle Archer ang pinakabagong record holder ng titulong “World Oldest Truck Driver” sa edad na 90.

Ayon kay Archer, nagsimula siyang maging truck driver sa edad na 30-anyos. Kung susumahin, nakapagmaneho na siya ng 5.5 million miles sa loob ng 60 taon na pagiging truck driver.

Mayroong 26 na apo sa tuhod si Archer at masaya ang lahat ng mga ito dahil Guinness World Record holder na ang kanilang lolo. Sa kasalukuyan, walang planong magretiro si Archer sa pagiging truck driver.