Gilas makikipagbangasan para sa Paris Olympics spot
MANILA, Philippines — Handa ang Gilas Pilipinas na gawin ang lahat upang masungkit ang tiket sa Paris Olympics.
Malaki ang tiwala ni Gilas Pilipinas head coach Tim Cone sa kanyang tropa.
At sa ganda ng inilalaro ng Gilas Pilipinas, naniniwala ito na abot-kamay na ang inaasam na puwesto sa Olympic Games.
Magtatangka ang Gilas Pilipinas na maisakatuparan ito sa oras na umarangkada ang FIBA Olympic Qualifying Tournament na idaraos sa Riga, Latvia sa Hulyo.
Kailangan lang ng Gilas Pilipinas na matalo ang host Latvia o ang Georgia sa group stage para makalapit sa inaasam na Paris Olympics spot.
“I think for us to think any success at this point, we need to get to the crossover, we need to either beat Latvia or Georgia to feel like we’ve had success,” ani Cone.
Kaya naman pukpukan ang gagawing ensayo ng Pinoy cagers sa training camp nito sa Inspire Sports Academy sa Calamba, Laguna na magsisimula sa Hunyo 21.
Magkakasama sa Group A ang Pilipinas, Latvia at Georgia habang nasa Group B naman ang Brazil, Cameroon at Montenegro.
Alam ni Cone na daraan sa butas ng karayom ang Gilas Pilipinas para maisakatuparan ito.
Subalit handa ang kanyang bataan na gawin ang lahat.
- Latest
