Kung paano ka husgahan base sa iyong hitsura (Part 2)

ANG mga sumusunod na “human attractive facts” ay base sa pagsasaliksik ng mga psychologist sa U.S.:

• Sa dalawang empleyadong parehong may magandang educational background at impressive job experience, mas nauunang tumaas ang posisyon at suweldo ng physically attractive kaysa less attractive. Ang tawag dito ay “beauty bias”.

• Sa justice system, may pangyayaring mas mababa ang sentensiyang natanggap ng isang presong may hitsura kumpara sa pangit na preso sa magkaparehong kaso.

• Ang attractive na pulitiko ay mas maraming news coverage kaysa pangit na pulitiko.

• Kahit wala pang kamalayan sa “beauty bias”, hindi sinasadyang mas pinipili ng isang bata ang kalarong malinis at may hitsura kaysa dugyutin.

• Kapag nalantad sa isang babae kung ano talaga ang sukatan ng ideal body image, bumababa ang satisfaction niya tungkol sa kanyang pisikal na hitsura.

• Mas gustong ipalabas ng mga director ng news program ang tungkol sa napatay na attractive victim kaysa biktimang walang hitsura.

• Nabanggit minsan ng Greek philosopher na si Aristotle: “personal beauty is a greater recommendation than any letter of reference.”                                        

(Itutuloy)