Balitang walang ­pag-asa, Bagyong ­Hudas parating na!

INABANDONA na si dating President Digong ng mga desperadong miyembro ng Partido Demokratiko Pilipino (PDP) na noon ay nakinabang sa kanyang administrasyon. Weder weder lang!

Magpapakanlong na sila sa BBM administration. Karamihan sa kanila ay mga dating sumisigaw na “magnanakaw ang pamilya Marcos!” Kapuso at kapamilya na sila ngayon. Iba ang saya kapag sama-sama! Okey ‘di ba?

Karaniwang ugali na ng mga pulitiko ang lumundag sa administration’s political party para makasigurong makakasalo sa hapag ng pakinabang. Ang bagong sigaw ng bayan ay, “Give me money and I will give you liberty”. Ha-ha-ha!

Mag-uudyukan ang magkabilang kampo. May isang tinig na sila para sumigaw ng “Open Sesame”. Yabba Dabba Doo!

Bago dumating ang 2025 midyear election, aagos na ang pera ng bayan para sa bagong mga kaalyado na bubuo ng “kalabit penge brigade”. Tataas na naman ang presyo ng bilihin dahil sa inflations. Sigurado ‘yan, kaya walang sisihan!