PCG lalahok din sa Balikatan Exercise 2024
MANILA, Philippines — Sa kauna-unahang pagkakataon ay makikilahok din ang Philippine Coast Guard sa gaganaping ika-39th Balikatan Exercise 2024 exercise sa pagitan ng Armed Forces of the Philippines at U.S. military mula Abril 22 hanggang Mayo 10 ng taong ito.
Sinabi ni PCG Spokesman Rear Admiral Armando Balilo na ang kanilang hukbo ay magiging bahagi ng joint interoperability exercises sa pagitan ng Pilipinas, Australia, France at Estados Unidos.
Kabilang sa gagamitin sa Balikatan war drills ay ang FF-151 (missile frigate BRP Antonio Luna), LD-602 (BRP Davao Del Sur), PS-16 (offshore patrol vessel BRP Ramon Alcaraz), FA-50s (light jet fighters), Super Tucanos (A-29B close air support aircraft), Black Hawks (S-70is combat utility helicopters), at ang Israeli-made SPYDER air defense missile batteries ng Philippine Air Force.
Habang ang US ay magdedeploy naman ng ikalimang henerasyon ng F-22 Raptor, F-35 Lightning II, AH64 Apache attack helicopters, AC-130 “Spooky” gunships, at ang dalawang naval ships.
- Latest