Fetus iniwan sa banyo ng simbahan

MANILA, Philippines — Natagpuan sa loob ng banyo ng Sto. Domingo Church sa Quezon City ang isang fetus na inabandona ng kanyang ina nitong Huwebes ng umaga.

Sa ulat sa pulisya ng janitress na si Aniza Macaraya, alas-7:30 ng umaga ay naglilinis siya ng banyo nang mapansin ang kulay dilaw at berdeng supot.

Nang tingnan ang laman ay laking gulat nang makita na lalaking fetus ang laman ng supot kaya naman ay ipinagbigay-alam niya sa mga opisyal ng Brgy. Sto. Domingo.

Inaalam na rin ng pulisya kung may mga CCTV sa lugar upang matukoy ang nag-iwan sa fetus.