Jobless Pinoy bumaba sa 2.21 milyong noong Agosto – PSA
MANILA, Philippines — Bumaba ang bilang ng mga Pilipinong walang trabaho o hanapbuhay noong Agosto, habang dumami naman ang employed persons sa nasabing period, batay sa resulta ng pinakabagong Labor Force Survey ng Philippine Statistics Authority (PSA).
Kahapon ay iniulat ni National Statistician and PSA chief Claire Dennis Mapa na nabawasan ang bilang ng unemployed persons, edad 15 pataas, sa 2.21 milyon mula 2.27 milyon noong Hulyo at mas mababa sa 2.68 milyong walang trabaho sa parehong buwan noong nakaraang taon.
Sa aktibong paghahanap ng trabaho ng porsyento ng kabuuang 50.29 milyong indibdiwal sa labor force, naitala ang unemployment rate na 4.4%.
Nangangahulugan ito na 44 sa 1,000 indibidwal sa labor force ang walang trabaho noong Agosto 2023, ayon kay Mapa.
Samantala, umakyat ang bilang ng mga employed Filipinos sa 48.07 milyon, mula sa 44.63 milyon noong Hulyo at mas mataas din sa 47.87 milyong indibidwal na mayroong trabaho o hanapbuhay noong Agosto 2022.
Nangangahulugan ito ng employment rate na 95.6%.
- Latest
