Mga taga-Benguet pinag-iingat sa UK COVID-19 variant
MANILA, Philippines — Pinaalalahanan ni Benguet-Caretaker Rep. Eric Yap ang kanyang mga constituents na mag-doble-ingat dahil umabot na sa katabing lalawigan nila, ang Mountain Province, ang UK variant ng coronavirus disease 2019 (COVID-19).
Batay sa report ng Department of Health (DOH) noong Biyernes, 12 sa 17 UK COVID variant affected individuals na naitala sa bansa ay taga-Mountain Province.
“Puspusan ang pagmomonitor ng DOH at local health offices sa virus sa lugar pero kailangan doble-ingat ang mga kababayan natin doon,” wika ni Yap.
Tiniyak naman ng mambabatas na naka-monitor ang kanyang tanggapan at handang magbigay ng agarang ayuda kung makapasok ang nasabing UK COVID variant sa Benguet.
“Handa rin pong tumulong sa pagpapagamot ang aking tanggapan sa mga taga-Benguet sakaling mahawahan ng UK COVID variant ang mga ito,” dagdag ni Yap.
- Latest