100% foreign ownership sa telcos, unconstitutional
MANILA, Philippines — Hanggang hindi naaamyendahan ang Konstitusyon ay iginiit ni dating Supreme Court Associate Justice Antonio Carpio na ilegal ang pagpapahintulot sa 100% foreign ownership ng telecommunications firms sa bansa.
Sa isang webinar kung saan host ang Philippine Bar Association (PBA), sinabi ni Carpio na sa ilalim ng 1987 Constitution, ang public utilities ay dapat na 60 porsiyentong pag-aari ng Filipino citizens.
Bagama’t sa inaprubahang House Bill No. 78 na naglalayong amyendahan ang Public Service Act ay inalis ang transportasyon at telecommunications bilang public utilities.
“Under the 1935, 1973, and 1987 Constitutions, telecommunications companies or telcos have always been understood to be public utilities,” sabi ni Carpio.
Tinukoy ang Article 2, Section 12 ng Konstitusyon, sinabi ni Carpio na, “All natural resources are owned by the State. The State may directly [exploit such natural resources], or it may enter into co-production, joint venture, or production-sharing agreements with Filipino citizens, or corporations at least 60 percent of whose capital is owned by such persons.”
Ayon naman kay Atty. Marlon Anthony R. Tonson, director/founding member ng Tagapagtanggol ng Watawat, isa sa mga reactor sa webinar, ang telco ay isang public utility at ang 60-40 ownership ay angkop at hindi maaaring baguhin ng kapangyarihan ng Kongreso.
- Latest
