Iprinisinta sa media ng pulisya ang naarestong 3 big time drugs pusher na kinilalang sina Melvin Samson ng Brgy. Palasahan, Malolos, Bulacan; live in nitong si Gerlie C. Santiago at Kimberly Purok ng Upper Bicutan, Taguig City sa isang buy bust operation sa nasabing lugar.
Joven Cagande
3 arestado sa P5.6-M shabu
Ricky ­Tulipat (Pang-masa) - April 24, 2017 - 12:00am

MANILA, Philippines - Tatlong katao kabilang ang isang mag-live-in na umano ay high value target na dealer ng droga ang naaresto ng mga ope­ratiba ng Quezon City Police District (QCPD) District Drug Enforcement Unit  (DDEU) sa isinagawang buy bust operation sa Brgy. Maybunga, Guimba, Nueva Ecija at Calumpit, Bulacan, kamakalawa.

Ang mga naaresto ay kinilalang sina Melvin Samson, alyas Pogi, tubong Malolos, ng Brgy. Palasahan, Malolos City, Bulacan; live in parter nitong si Gerlie Santiago, 22, ng Maybubon, Guimba, Nueva Ecija; at  Kimberly Arzadon, 27, ng Purok 5, Upper Bicutan, Taguig City.

Batay sa ulat, dakong alas-11:30 ng umaga nang magsagawa ng buy bust operation ang tropa sa mag-live in partner sa Bago Bantay, QC.

Nang simulan ang transaksyon ay biglang nag-iba ng lokasyon ang mag-live in ay nagpas­yang gawin ito sa Nueva Ecija na kung saan dito sila nadakip at nasamsam ang 120 gramo ng shabu na nagkakahalaga ng P600,000, drug paraphernalias at buy-bust money.

 Itinuro ng mag-live-in ang kinaroroonan ni Arzadon at sa Room Q, Paco Royal Inn, Mc Arthur Highway, Brgy. Palimbang, Calumpit, Bulacan at naaresto ito.  

Narekober ang limang malaking plastic packs ng shabu na may timbang na 1 kilo at street value na  P5 milyon.

Nabatid na si Samson na dating naninirahan sa Brgy. Palasan, QC, ay naaresto na ng Brgy. Anti-Drug Abuse Council (BADAC) noong 2014 at nakalaya makaraang makapag-piyansa, habang ang kanyang live inpartner ay nagtago naman sa Guimba.

 

DDEU
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with