MANILA, Philippines - Mistulang tinupad ng isang misis ang sinumpaan nitong pangako nang sila ay ikasal ng kanyang mister na kamatayan lang ang makakapaghiwalay sa kanila nang siya mismo ang kumatay sa kanyang mister matapos ang mainit nilang pagtatalo kamakalawa ng gabi sa Brgy. Poblacion, Siayan, Zamboanga del Norte.
Ang biktima na hindi na umabot ng buhay sa ospital dahil sa pagkarit sa kanyang leeg at pagtaga sa iba’t ibang parte ng mukha ay kinilalang si Jimmy Otto, 34, magsasaka.
Agad namang nadakip ang misis nitong si Jinky Mendoza Otto, 37, na kinasuhan ng parricide.
Sa ulat, dakong alas-7:30 ng gabi ay kapwa laÂsing ang mag-asawa nang magkaroon sila ng mainitang pagtatalo sa hindi pa malaman na kadahilanan.
Dito ay napikon ang misis at agad hinagilap ang karit na panggapas ng damo saka kinarit sa leeg ang mister.
Habang namimilipit sa sakit ang mister ay hindi pa nakuntento ang misis ay pinagtataga pa sa mukha at baba na siya nitong ikinamatay.
Naaresto ang misis sa bahay ng kanyang kapatid na babae sa nasabing bayan.