MANILA, Philippines - Tigok ang isang truck helper makaraang pagtulungan na saksakin ng magkalive-in partner sa Tondo, Maynila, kahapon ng madaling-araw.
Binawian ng buhay habang ginagamot sa Gat Andres Bonifacio MemoÂrial Medical Center ang biktimang si Justine Mangalonzo, residente ng #363 Victor Lopez comÂpound, C-2 Capulong St., Tondo.
Sa ulat ni SPO2 Milbert Balinggan ng Manila Police District-Homicide Section, dakong alas-2:20 ng madaling araw nang maganap ang nasabing insidente sa kahabaan ng C-2 Capulong bridge sa Capulong Highway, Brgy. 93 Zone 8, Tondo.
Nakatakas naman ang mga suspek na kinilala lamang sa alyas na Jose at live-in partner na si alyas Negra, kapwa residente sa ilalim ng tulay ng RaxaÂbago St., Tondo.
Nag-away umano ang biktima at si Jose at sa gitna ng komprontasyon ay naghamong suntukan si Jose kaya umuwi ng bahay ang biktima at nagbitbit ng armas na kahoy.
Pagbalik ay hinataw si Jose na tumama sa binti ni Negra at sa pagbangon nito hinawakan ang biktima at doon nagkaroon ng pagkakataon si Jose upang undayan ng sunod-sunod na saksak ang biktima.