Towns itinakas ang Minnesota sa Game 4
DALLAS — Iniskor ni Karl-Anthony Towns ang 20 sa kanyang 25 points sa second half para tulungan ang Minnesota Timberwolves sa 105-100 paglusot sa Mavericks sa Game Four at idikit sa 1-3 ang kanilang Western Conference finals series.
Tumipa si Anthony Edwards ng 29 points, 10 rebounds at 9 assists para sa Minnesota na nakaiwas sa tangkang sweep sa kanila ng Dallas.
Kumonekta rin si Towns ng tatlong three-point shots sa dulo ng fourth quarter.
“Played quick off the catch. Stayed confident. He didn’t really look much for his 3 until the second half. He just had his feet set. He was ready. And they were huge,” sabi ni Timberwolves coach Chris Finch.
Nag-ambag si Mike Conley ng 14 points at nagposte si Rudy Gobert ng 13 points at 10 rebounds.
Humakot si Luka Doncic ng 28 points, 15 rebounds at 10 assists para sa kanyang ikaanim na triple-double sa playoffs habang may 16 markers si Kyrie Irving para sa Mavericks.
“That game’s on me. Just didn’t give enough energy,” wika ni Doncic. “They won one game. We’ve just got to focus on the next one.”
Ibabalik ang Game Five sa Minnesota bukas.
- Latest
