Holiday iniligtas ang Celtics sa Game 3
INDIANAPOLIS — Isinalpak ni Jrue Holiday ang isang go-ahead three-point play sa huling 38 segundo at gumawa ng game-saving steal sa 114-111 panalo ng Boston Celtics sa Indiana Pacers sa Game Three para iposte ang 3-0 lead sa Eastern Conference finals.
Maaari nang umabante ang Celtics sa ikalawang NBA Finals trip sa nakaraang tatlong seasons kung mananalo sa Game Four bukas sa balwarte ng Pacers.
Dinuplika ni Jayson Tatum ang kanyang playoff career high na 36 points bukod sa 10 rebounds at 8 assists para sa Boston habang may 24 markers si Jaylen Brown.
“Jrue is just a big-time player, and he made a tremendous play,” sabi ni Tatum kay Holiday na naglaro bagama’t nilalagnat.
Nagdagdag si Al Horford ng 23 points tampok ang pitong 3-pointers para sa kanilang ikaanim na sunod na playoff win.
Pinamunuan ni Andrew Nembhard ang Indiana sa kanyang career-high 30 points bago siya inagawan ng bola ni Holiday sa huling 3.3 segundo ng laro.
Nag-ambag si T.J. McConnell ng 23 points, 9 rebounds at 6 assists habang may tig-22 markers sina Myles Turner at Pascal Siakam.
Naglaro ang Pacers na wala si star guard Tyrese Haliburton na nagkaroon ng left hamstring injury sa Game Three.
- Latest
