Mavs nakawala sa T-Wolves
MINNESOTA — Iniskor ni Luka Doncic ang 15 sa kanyang 33 points sa fourth quarter para igiya ang Dallas Mavericks sa 108-105 pag-eskapo sa Minnesota Timberwolves sa Game One ng Western Conference Finals.
Hinataw naman ni Kyrie Irving ang 24 sa kanyang 30 markers sa first half para sa 1-0 lead ng Mavericks sa kanilang best-of-seven series ng Timberwolves.
“He got us going. Without him, we would probably be down 20 at halftime,” ani Doncic kay Irving. “I had to help him in the second half a little bit. So we switched roles this time.”
Nag-ambag si P.J. Washington ng 13 points habang may 10 markers at 9 rebounds si Daniel Gafford para sa Dallas.
Pinamunuan ni Jaden McDaniels ang Minnesota sa kanyang 24 points at nagdagdag sina Anthony Edwards, Karl Anthony-Towns at Naz Reid ng 19, 16 at 15 markers, ayon sa pagkakasunod.
Ang triple ni Edwards ang nagbigay sa Timberwolves ng 102-98 abante sa huling 3:37 minuto ng fourth period.
Ngunit isang 8-0 atake ang pinamunuan ni Doncic para ibigay sa Mavericks ang 104-102 kalamangan.
Samantala, pupuntiryahin ng Boston Celtics ang 2-0 lead sa pagsagupa sa Indiana Pacers sa Game Two ng Eastern Conference Finals series.
- Latest
