PM Sports

Tatum, Brown bumida sa Celtics sa Game 1

Tatum, Brown bumida sa Celtics sa Game 1
Ang panablang triple ni Jaylen Brown na nagdala sa Celtics sa OT kontra sa Pacers sa Game 1.

BOSTON — Bumanat si Jayson Tatum ng 36 points, kasama ang 10 sa overtime para gabayan ang Celtics sa 133-128 pagtakas sa Indiana Pacers sa Game One ng Eastern Conference championship series.

Umiskor si Jrue Holiday ng season-high 28 points para sa 1-0 lead ng Boston habang may 26 markers si Jaylen Brown tampok ang panablang three-point shot sa huling 6.2 segundo sa regulation.

“Welcome to the NBA playoffs. You’ve just got to manage your emotions. Anything can happen,” ani Brown sa kanyang ipinasok na triple. “It’s not over until the final buzzer sounds. ... It’s not over until it’s over. We found a way to win the game at the very end.”

Nakatakda ang Game Two bukas sa TD Garden.

Pinamunuan ni Tyrese Haliburton ang Indiana sa kanyang 25 points at 10 assists.

Nagdagdag si Pascal Siakam ng 24 points at 12 rebounds at may 23 points at 10 rebounds si Myles Turner para sa Pacers na hinawakan ang 117-114 abante sa fourth period kasunod ang tres ni Brown para dalhin ang Celtics sa overtime.

Ang tatlong free throws ni Haliburton sa huling 1:46 minuto ng extra period ang nagbigay sa Indiana ng 123-121 abante bago makumpleto ni Tatum ang 3-point play kay T.J. McConnell para sa 124-123 bentahe ng Boston.

vuukle comment


  • Latest
Are you sure you want to log out?

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

or sign in with