MANILA, Philippines — Masaya si team captain Alyssa Valdez na nakabalik na sa porma ang Creamline upang mapalakas ang tsansa nito sa Premier Volleyball League (PVL) All-Filipino Conference.
Sariwa pa ang Cool Smashers sa 25-22, 25-12, 25-20 desisyon sa Nxled kung saan inilatag ng reigning champions ang tikas nito para mabilis na makuha ang panalo.
“I think more than the win, our coach reminded us that we need to find ourselves in this game, also in this conference. We are slowly building that confidence and finding who we are back again,” ani Valdez.
Makailang ulit nang hindi binababad sa laro si Valdez.
Kaya naman sa oras na tumutuntong ito sa court ay sinisiguro nitong magbibigay ito ng malaking kontribusyon sa kanilang team.
Nagrehistro si Valdez ng 12 points sa panalo ng Cool Smashers sa Chameleons.
“It is all about playing all out regardless of our opponent,” ani Valdez.