Flying Titans lalapit sa semifinals berth
MANILA, Philippines — Inaasahang madaling maipoposte ng Choco Mucho ang kanilang pang-walong panalo sa pagsagupa sa talsik nang Strong Group Athletics Athletics sa Premier Volleyball League All-Filipino Conference sa Philsports Arena sa Pasig City.
Nakatakda ang duwelo ng Flying Titans at Athletics ngayong alas-4 ng hapon kasunod ang upakan ng nagdedepensang Creamline Cool Smashers at Nxled Chameleons sa alas-6 ng gabi.
Sa unang laro sa alas-2 ng hapon ay magkikita ang mga sibak nang Galeries Tower Highrisers at Farm Fresh Foxies.
Magkasosyo sa liderato ang Choco Mucho at PLDT Home Fibr sa pareho nilang 7-1 record kasunod ang Creamline (6-2), Chery Tiggo (6-2), Petro Gazz (6-2), Cignal HD (5-3), Akari (4-5), Nxled (3-5), Farm Fresh (2-6), Galeries (2-6), Capital1 (1-8) at SGA (0-8).
Nagmula ang Flying Titans sa 25-15, 25-16, 25-21 pagligpit sa Solar Spikers para palakasin ang kanilang tsansa sa semis, samantalang wala pang naipapanalong laro ang Athletics.
Target naman ng Cool Smashers na masolo ang No. 2 spot matapos yumukod sa Gazz Angels, 25-15, 18-25, 26-24, 19-25, 13-15, sa huli nilang laro.
- Latest
