PSC palalakasin ang anti-doping program
MANILA, Philippines — Matapos maresolbahan ang WADA (World Anti-Doping Agency) compliance issue finally ay titiyakin ng Philippine Sports Commission (PSC) at ng Philippine National Anti-Doping Organization (PHI-NADO) na hindi na ito mauulit pa.
Sinabi ni PSC chairman Richard Bachmann na palalakasin nila ang anti-doping program ng bansa angkop sa alituntunin ng WADA.
Ayon kay PSC executive director Paulo Tatad, gusto nilang maging isang fully independent body ang PHI-NADO kagaya ng ginagawa ng ibang bansa.
Ipagpapatuloy din ng PSC at ng PHI-NADO ang pagbibigay ng impormasyon sa mga stakeholders kasama ang mga National Sports Associations (NSAs) at mga national athletes at coaches.
“Given the progression of the anti-doping world a lot of countries have independent anti-doping agencies. This is the proper time we have one in PHI-NADO,” wika kahapon ni Tatad sa Philippine Sportswriters Association (PSA) Forum sa Rizal Memorial Sports Complex.
Noong Marso 13 ay inihayag ng WADA na nakumpleto na ng PSC ang hiihingi nilang requirements.
“We are making sure we do the necessary steps. Our friends in Malaysia, Indonesia Thailand gave a lot of insights. And given all of that, we are in the right direction,” ani Tatad sa sesyon na inihahandog ng San Miguel Corporation, PSC, Philippine Olympic Committee, MILO, PLDT/Smart at ArenaPlus.
- Latest