Gilas na-sweep ang 1st window

MANILA, Philippines — Hindi pinahiya ng Gilas Pilipinas ang kanilang mga fans matapos ang 106-53 demolisyon sa bisitang Chinese Taipei sa first window ng FIBA Asia Cup 2025 qualifiers kahapon sa Philsports Arena sa Pasig City.

Ito ang ikalawang sunod na panalo ng Natio­nals matapos gibain kamakailan ang Hong Kong, 94-64, para walisin ang first window kagaya ng New Zealand Tall Blacks.

May parehong 0-2 baraha ang Chinese Taipei at Hong Kong.

Nagsumite si natura­lized player Justin Brownlee ng 26 points, 13 rebounds at 5 assists at tumipa si 7-foot-4 Kai Sotto ng 18 markers, 10 boards, 5 assists at 3 blocks.

Nag-ambag si Calvin Oftana ng 13 points habang may 12, 11 at 10 markers sina Dwight Ramos, Carl Tamayo at Kevin Quiambao, ayon sa pagkakasunod.

Kumawala ang Gilas sa dulo ng first period para sa 26-13 bentahe patungo sa 38-18 pagbaon sa Chinese Taipei mula sa three-point play ni Sotto kay Hao Chi Wang sa 6:27 minuto ng second quarter.

Ipinoste ng Nationals ang 29-point lead, 52-23, mula sa jumper ni Japeth Aguilar sa huling 1:06 minuto bago ang halftime.

Ang tirada ni Brownlee ang nagbaon sa mga Taiwanese sa 72-38 sa huling 4:33 minuto ng third period patungo sa 99-45 kalamangan sa 3:26 minuto ng final canto.

Sunod na lalabanan ng Gilas ang New Zealand (2-0) sa Nobyembre 21.