Chameleons dinagit ng flying Titans
MANILA, Philippines — Hinataw ng Choco Mucho ang unang panalo sa 2024 PVL All-Filipino Conference matapos paluhurin ang Nxled, 25-12, 25-22, 25-18, kahapon sa Filoil EcoOil Arena sa San Juan City.
Nagkadena si Sisi Rondina ng 17 points mula sa 16 attacks at 1 ace para sa Flying Titans habang may 12 si Kat Tolentino.
Tumipa si Ivy Lacsina ng 6 points sa kanyang debut para sa Chameleons.
“Sa ngayon siyempre, thankful ako sa naging performance namin. First set pa lang kami na ang nag-dikta ng tempo,” wika ni coach Dante Alinsunurin sa Choco Mucho na may 1-0 record kagaya ng PLDT, Petro Gazz at Chery Tiggo.
Isinuko ng Nxled ang first set, 12-25, bago lumaban sa second frame kung saan sila nakadikit sa 22-24.
Ang hataw ni Tolentino ang sumelyo sa panalo ng Flying Titans para sa 2-0 bentahe hanggang iwanan ang Chameleons sa 24-17 sa third set mula sa hataw ni Rondina.
Sa unang laro, bumanat si Savi Davison ng 19 points mula sa 16 attacks 2 blocks at 1 ace para pamunuan ang PLDT Home Fibr sa 25-22, 25-6, 25-9, paggupo sa Galeries Tower.
Umiskor si Jules Samonte ng 15 markers para sa High Speed Hitters at may 7 at tig-4 points sina Fiola Ceballos, Majoy Baron at Jessey De Leon, ayon sa pagkakasunod.
- Latest
