Positibo ang Phoenix
Na-delay lang o muli pang ma-de-delay?
Iyan eh patungkol sa inaasahan ng marami na pagsulong ng Magnolia Hotshots sa finals bilang top seed.
Inakala ng halos lahat na tapos na ang serye at selyado na ang finals berth para sa Magnolia nang humarurot si Tyler Bey at mga teammates sa 47-26 spread bago matapos ang first half.
Pero nakagawa ng malaking turnaround ang Phoenix sa second half at tumuloy sa 103-85 panalo na nagbigay daan para sa isa pang salpukan bukas sa MOA Arena.
Hindi bumigay at nagpakita ng malupet na karakter ang Phoenix, kaya naman may tsansa sila ngayon na dalhin ang serye sa do-or-die Game 5.
Sure ball na malaking morale-booster ang kanilang Game 3 win, na maaaring maging game-changer sa serye.
In the first place, pawang anybody’s game ang unang dalawang laro na sa huli eh, nasungkit ng Hotshots.
Determinado ang Magnolia na putulin ang kanilang six-year title drought, samantalang pursigido ang Phoenix na maabot ang bagay na hindi pa nila naaabot sa kanilang PBA participation.
Dalawang beses na silang nakarating sa semifinals. Talo kontra San Miguel, 1-4, noong 2019 Philippine Cup at talo rin sa TNT, 2-3, sa sumunod na All-Filipino tourney.
Kahit naghahabol, positibo pa rin ang Phoenix sa tsansa na, finally, maabot na ang PBA finals.
- Latest