Bumuhos ang pakikiramay para kay Samboy
MANILA, Philippines — Bumuhos ang pakikiramay matapos pumanaw ang tinaguriang Skywalker ng Philippine basketball na si Samboy Lim.
Hindi maitago ng mga basketball fans ang lungkot sa paglisan ng PBA legend.
Nagulat ang lahat nang ihayag ng pamilya nito ang pagpanaw ng ni Lim sa edad na 61-anyos.
“Our Hearts are broken. Today, December 23, 2023, our dearly beloved Samboy passed away peacefully. A man of Faith, exceptional courage, humility and grace. He embodied the very best of humanity. ‘The Skywalker’ was 61,” ayon sa post ng pamilya ni Lim sa social media.
Namatay si Lim sa Medical City kung saan nakasama nito sa kaniyang mga huling sandali ang kaniyang pamilyang sina Lelen, Jamie, Johannes, Malou, AP, Alby at Kates at mga kaibigan nitong sina Allan Caidic aat Robert Evangelista.
“His loved ones abroad: sister Ate Coy - Maricor, Dan, and niece, Danielle together with Jun Zarate, Coach Larry Albano bade Samboy goodbye via online chat. Lelen’s siblings: Gigi, Dixon, family and friends: Manang Marilyn, Tino Pinat, Jimmy Go were also able to bid him farewell,” ayon pa sa statement.
Isa si Samboy sa mga tinitingala sa mundo ng Philippine basketball noong dekada 80 at 90.
Naglaro si Lim sa PBA mula 1986 hanggang 1997.
May siyam siyang PBA championships kabilang na ang Grand Slam kasama ang San Miguel noong 1989.
Isa si Lim sa mga PBA Greatest Players.
- Latest
