MILO-DepEd Palarong Pambahay virtual sports tagumpay

MANILA, Philippines — Ipinagdiwang ng nutritious beverage brand na MILO® Philippines at ng Department of Education (DepEd) ang matagumpay na paglulunsad sa inaugural MILO-DepEd Palarong Pambahay.

Ito ang kauna-unahang inter-sport, inter-school virtual competition na idinaos sa buong bansa kung saan lumahok ang higit sa 700 paaralan at 2,000 student athletes ang nagpakita ng kanilang mga husay sa harap ng 1.5 million-plus online viewers.

“It is our great pleasure to partner with MILO® Philippines for the first-ever MILO-DepEd Palarong Pambahay competition,” ani DepEd Undersecretary Tonisito M.C. Umali, Esq.

“Even though the pandemic has hindered most of our on-ground activities, our organization, as well as coaches, teachers, and parents, have worked tremendously hard to make this event a reality,” dagdag nito.

Ang groundbreaking online sports event ay nagbukas ng pintuan para sa mga batang atleta na nagpakita ng kanilang determinasyon sa pagsasanay at paglahok sa mga kompetisyon sa loob ng kanilang mga tahanan.

“Nakita natin ang pagpupursige ng mga atleta at mga magulang na sumali sa Palarong Pambahay, dahil hindi nila hinayaang maging hadlang ang pandemya,” sabi ni MILO® Sports Executive Carlo Sampan.

Ang MILO-DepEd Palarong Pambahay ang pinakabagong creative at innovative programs ng MILO® Philippines na idinisenyo para maging paraan ng mga bata upang maging aktibo at ituro sa kanila ang kahalagahan ng disiplina, pagrespeto at determinasyon.