Ngitngit ng basketball fans
Mapapahupa na kaya ng mensahe ni SBP president Al Panlilio ang sama ng loob at ngitngit ng Filipino cage fans?
Niyakap ang responsibilidad at nangakong babawi upang mapanatili ang mataas na tindig ng national team sa regional ranking.
Ang tanong eh kaya ba nila itong gawin sa paparating na FIBA Asia Cup sa Jakarta?
Papasimula na muli ang PBA para sa kanilang bagong season. Ibig sabihin, matatali ang mga PBA players sa kanilang mother teams.
Malamang cadet players ang bubuo ng koponan sa pamumuno ng mga Ateneo players. Maaaring samahan ito ng ilang TNT Tropang Giga players -- ayon sa original plan para minimal ang distraction sa PBA.
Ang tanong eh kung mananatili ang plano kasama ang coaching job na nakaatang kay Chot Reyes? O balik sa planning pagkatapos ng Hanoi debacle?
Malapit na ang 2023 FIBA World Cup hosting ng bansa. Ang siste, balik sa step 1 ang national team program.
Kung hindi kikilos ng mabilis, baka kapusin na sa panahon sa pag-prepara ng koponang makakahugot ng disenteng showing.
Ang malamang, masama pa rin ang loob ng Filipino basketball fans, at kasamang tatamaan ng kanilang hagupit ang gate receipts ng papasimulang PBA Season 47.
Malamang langawin ang mga unang laro, at maaaring bumalik lang ang crowd pagdating ng playoffs.
Araguy!
- Latest
