Portland kumapit sa No. 6
PORTLAND, Ore. — Lalo pang pinahigpit ng Trail Blazers ang pagkapit sa No. 6 spot sa Western Conference matapos bugbugin ang sibak nang Houston Rockets, 140-129.
Kumamada si Damian Lillard ng 34 points para pamunuan ang Trail Blazers (40-20) at iwanan sa No. 7 ang nagdedepensang Los Angeles Lakers (38-30) sa kanilang agawan para sa awtomatrikong playoff berth.
Para pormal na makuha ang playoff spot sa West ay kailangang walisin ng Portland ang huli nilang tatlong laro kontra sa mga playoff-bound na Utah Jazz (50-19), Phoenix Suns (48-20) at Denver Nuggets (44-24).
Ang isang kabiguan ng Trail Blazers kasabay ng pagwalis ng Lakers sa huli nilang apat na laban ang magbibigay sa tropa ni LeBron James ng No. 6 playoff seat.
Kapwa umiiwas ang Portland at Los Angeles na maglaro sa play-in tournament kung saan maglalabanan ang No. 7 at 8 teams para sa No. 7 seeding at ang matatalo ay haharap sa winning team sa pagitan ng No. 9 at No. 10 squads, para pag-agawan ang ikawalo at huling playoff spot.
Sa San Francisco, inangkin naman ng Golden State Warriors (36-33) ang play-in spot sa West matapos itakas ang 119-116 panalo sa Jazz tampok ang game-winning triple ni Stephen Curry sa huling 14 segundo.
- Latest