Philippine men’s 3x3 team may award sa PSA

MANILA, Philippines — Bilang patunay na nakikilala na ang 3x3 basketball sa bansa, gagawaran ang Philippine men’s team ng special honor sa SMC-PSA (Philippine Sportswri­ters Association) Annual Awards Night sa Biyerrnes sa Centennial Hall ng Manila Hotel.

Sa likod nina Alvin Pasaol at Joshua Munzon, ang koponan ay bibigyan ng 2019 Chooks-To-Go Fan Favorite award sa event na inihahandog ng Philippine Sports Commission, Milo, Cignal TV, Philippine Basketball Association, AirAsia at Rain or Shine.

Nasa No. 59 sa pagsisimula ng 2019, umakyat ang mga Pinoy 3x3 cagers sa Top 20 sa pagtatapos ng taon para makakuha ng tiket sa Olympic Qualifying Tournament sa Marso 18-22 sa Bengaluru, India.

Ang mga naunang ikinunsidera para sa Mr. Fan Favorite ‘Manok ng Bayan’ award na inihahandog ng Chooks To Go sa pamuuno ni Ronald Mascariñas ng Bounty Agro Ventures Inc. ay sina three-time PBA sco­ring champion Terrence Romeo at Kai Sotto.

Nakakuha ng world ranking points ang bansa ma­tapos magdaos ng 3x3 league ang Chooks-To-Go Pilipinas at pagsasagawa ng dalawang major international meets.

Kasama sa Pool C ang Pilipinas na kinabibilangan ng Slovenia, France, Qatar at Dominican Republic sa 20-team qualifier na hianti sa four-group competition.

Tanging ang top three teams sa pagtatapso ng tor­neo ang makakapaglaro sa Tokyo Olympics kung saan gagawin ang debut ng 3x3 event.